УСУ зноў разбілі войскі РФ на пераправе праз Северскі Данец

Расейцы страцілі як мінімум адну батальённую тактычную групу.

Войскі Расеі спрабавалі фарсаваць раку Северскі Данец непадалёк ад Серабранкі на Данбасе, каб перанакіраваць на іншы бераг асабісты склад і цяжкую бронетэхніку. Аднак УСУ нанеслі па ворагу зруйнавальны ўдар, у выніку якога акупанты страцілі значныя сілы - як мінімум, адну батальённую тактычную групу. Пантоннае маставое абсталяванне выведзенае са строю.

Як паведамляе 30-я Асобная механізаваная брыгада імя князя Канстанціна Астрожскага ў Facebook, расейскія войскі ажыццявілі спробу перакідвання асабовага складу і вайсковай тэхнікі праз раку Северскі Данец недалёка ад Серабранкі. Аднак ім гэта не ўдалося.

«Расейцы планавалі ажыццявіць перадыслакацыю асабовага складу і цяжкай бронетэхнікі праз пантонную пераправу, праз раку Северскі Данец каля Серабранкі. Але фарсаванне расейцамі ракі Северскі Данец - місія невыканальная дзякуючы воінам 30 АМБр і іншым сілавым структурам», - адзначаецца ў паведамленні.

Аднак байцы УСУ і іншых сілавых падраздзяленняў нанеслі па ворагу ўдар. Расейскія войскі страцілі, сама меней, адну батальённую тактычную групу. Абсталяванне для перасячэння ракі выведзена са строю. Разбіта некалькі адзінак вайсковай тэхнікі. Ліквідавана некалькі дзясяткаў асабовага складу.

«У выніку расейцы страцілі значныя сілы - сама меней, адну батальённую тактычную групу, пантоннае маставое абсталяванне было выведзена са строю падчас фарсавання ракі, знішчана некалькі адзінак тэхнікі і некалькі дзясяткаў асабовага складу», - падкрэсліваецца ў паведамленні.