На волю выйшаў валанцёр штаба Бабарыкі Лявон Халатран

Палітвязень правёў на «хіміі» роўна 342 дні паводле артыкула 342.

Валанцёр штаба Бабарыкі, кіраўнік Ruin Bar Ok16 Лявон Халатран выйшаў на волю.

Палітвязень быў асуджаны на 2 гады «хіміі». Пакаранне Лявон адбываў у вёсцы Сушкі Камянецкага раёна, дзе працаваў у калгасе.

На волю ён выйшаў 21 траўня, паведамляе Dissident.by.

Лявон быў асуджаны паводле артыкула 342 КК. Яго затрымалі 11 жніўня 2020-га і сем месяцаў да суда ўтрымлівалі ў СІЗА.

«Хвілінка сімвалізму: я правёў на хіміі роўна 342 дні паводле артыкула 342», - адзначыў Лявон Халатран.