ЗША падтрымліваюць намаганні ICAO ў расследаванні пасадкі самалёта Ryanair у Менску

Арганізатары гэтай акцыі будуць прыцягнуты да адказнасці.

ЗША падтрымліваюць намаганні ICAO ў расследаванні інцыдэнту з рэйсам Ryanair. Пра гэта гаворыцца ў заяве спецпасланніцы Беларусі Джулі Фішэр.

«Год таму рэжым Лукашэнкі ў Беларусі прымусіў рэйс 4978 Ryanair прызямліцца ў Менску, зманіўшы аб пагрозе выбуху. Двое пасажыраў гэтага рэйса застаюцца пад вартай у Беларусі і яшчэ не дасягнулі канчатковага пункта прызначэння», - адзначыла Фішэр.

Соф'ю Сапегу нядаўна прысудзілі да шасці гадоў пазбаўлення волі, а Рамана Пратасевіча «працягваюць выкарыстоўваць як апору ў прапагандысцкіх намаганнях».

Фішэр падкрэслівае, што Аляксандр Лукашэнка наўмысна падарваў давер у сферы бяспекі пасажырскіх пералётаў.

«Краіны ўсяго свету даўно супрацоўнічаюць, каб гарантаваць бяспеку пасажырскіх рэйсаў, але рэжым Лукашэнкі наўмысна падарваў гэты давер, перанакіраваўшы міжнародны рэйс, каб здушыць іншадумства, прымусіць замаўчаць незалежныя галасы і паслаць злавесны сігнал апанентам, што, знаходзячыся за межамі Беларусі, не было гарантыяй бяспекі. Мы падтрымліваем намаганні ICAO ў поўным расследаванні гэтага інцыдэнту і чакаем публікацыі канчатковай справаздачы», - кажа Фішэр.

Паводле ейных слоў, беларускія ўлады не выказалі раскаянні ў сваіх дзеяннях, не супрацоўнічалі з расследавальнікамі і працягнулі запалохваць сваіх палітычных апанентаў.

«Злучаныя Штаты прадаўжаюць працу з нашымі партнёрамі для прыцягнення да адказнасці асноўных удзельнікаў гэтай акцыі, якая не толькі парушыла міжнародныя нормы і крымінальнае права ЗША, але і паставіла пад пагрозу жыццё грамадзян ЗША і іншых нявінных пасажыраў на борце самалёта Ryanair у той дзень», - рэзбмавала спецпасланніца.

Нагадаем, інцыдэнт з Ryanair адбыўся роўна год таму, 23 траўня 2021 года.