Кадырава высмеялі за пагрозы «ўзяць Польшчу за шэсць секунд»
- 26.05.2022, 12:15
- 10,598
Пуцін збіраўся і Украіну захапіць за тры дні, але пацярпеў няўдачу.
Вядомы ўкраінскі рэпер і прадзюсар Аляксей Патапенка (Патап) высмеяў кіраўніка Чачэніі Рамзана Кадырава, які вызначыўся чарговай неадэкватнай заявай. Кіраўнік «TikTok-войск» заявіў, што «пытанне з Украінай вырашанае» і наступная на чарзе - Польшча, якую расейскія акупанты нібы змогуць захапіць «за 6 секунд».
Патап нагадаў, што Пуцін збіраўся і Украіну захапіць за тры дні, але зазнаў няўдачу.
«Не няслаўцеся ўжо апавяданнямі пра Польшчу», - параіў Патап Кадыраву ў Instagram.
Акрамя таго музыка назваў расейскую мову «недаўкраінскай».
«Напішу на недаўкраінскай… Натыкаюся на каментары «Вучыце польскую мову» і г.д. Ды нам вучыць яе нават не трэба, у нас адзін корань з польскай і беларускай мовамі. Так, паміж Украінай і Польшчай ва ўсе часы было супрацьстаянне, але ў момант, калі «раша» напала на нас, яны сапраўды паказалі, што яны - брацкі народ! Ва ўсім! Прынялі, падтрымалі, дапамагаюць усім! Зброяй, гуманітаркай і г.д! Вось Палякі нам браты навекі! Не можаце ўзяць Украіну, хоць не няслаўцеся ўжо апавяданнямі пра Польшчу», – заявіў музыка.