У Беларусі ўводзяць новы падатак на даходы

Колькі складзе збор і хто яго будзе плаціць?

У Беларусі з 2023 года ўвядуць новы падатак - збор на прафесійны даход.

Выданне zerkalo.io расказвае падрабязнасці пра гэты падатак: хто і як яго будзе плаціць, які памер збору.

Хто зможа перайсці на гэты падатак

Падатак на прафесійны даход увядуць з 2023 года для самазанятых, якія не зарэгістраваны індывідуальнымі прадпрымальнікамі. Гэта значыць гаворка пра фізічныя асобы, у які ёсць прафесійны даход ад дзейнасці. Пры гэтым у іх няма працадаўцы і яны не прыцягваюць іншых работнікаў па працоўных або грамадзянска-прававых дамоў.

«Гэта будзе таксама як альтэрнатыва для тых самых рамеснікаў. Хтосьці захоча плаціць рамесны збор у класічнай суме, хтосьці мае права перайсці на выплату падатку на прафесійны даход», - удакладнялі раней у МПЗ.

Новаўвядзенне прадугледжанае абноўленым Падатковым кодэксам.

Якія тыпы дзейнасці падпадаюць пад новы падатак

Самазанятыя змогуць займацца любымі тыпамі дзейнасці, акрамя забароненых, удакладнялі раней у Мінфіне.

Тыпамі дзейнасці, якімі забаронена займацца тым, хто працуе па падатку на прафесійны даход, павінен вызначыць урад. Як чакаецца, гэта будзе рэалізацыя падакцызных тавараў і тавараў, якія падлягаюць маркіроўцы; раздробны гандаль некаторымі таварамі; дзейнасць, пад якую патрэбная ліцэнзія.

Падаткавікі прапануюць увесці пад забарону таксама аказанне паслуг дастаўкі тытунёвых вырабаў, алкагольных напояў, піва, піўных кактэйляў; продаж тавараў не ўласнай вытворчасці; здабычу і (або) рэалізацыю карысных выкапняў.

Канчатковае рашэнне будзе за ўрадам.

Якім будзе памер падатку

Для тых, хто працуе з фізічнымі асобамі, падатак складзе 10 працэнтаў. Такая ж стаўка будзе для працоўных з юрыдычнымі асобамі, але да пэўнага памеру выручкі (60 тысяч рублёў), а пасля пазначанага парога падатковы збор будзе ўдвая вышэйшым — 20%. Павышаны падатак будуць браць з сумы перавышэння, гэта значыць з таго, што больш за 60 тысяч рублёў.

Як раней тлумачылі ў МПЗ, новы падатак - гэта альтэрнатыва выплаце падаходнага падатку і страхавых узносаў у ФСАН. «Гэтыя стаўкі будуць уключаць не толькі падаткі, але і адлічэнні ў фонд сацыяльнай абароны. Гэта значыць любы самазаняты грамадзянін, які будзе карыстацца гэтым рэжымам, не толькі аплаціць падаткі дзяржаве, але і будзе назапашваць на сваю будучую пенсію, на свой страхавы стаж», - удакладнялі ў МПЗ.

У Мінпрацы раней тлумачылі, што 60% гэтага падатку будзе накіроўваць у бюджэт ФСАН на пенсійнае страхаванне.

Цяпер сума адзінага падатку для фізічных асоб, якія працуюць без ІП, залежыць ад горада і тыпу дзейнасці.

Ці трэба будзе падаваць падатковую дэкларацыю

Самазаняты будзе гэта рабіць праз спецыяльную аплікацыю. «Праз мабільную аплікацыю самазаняты зможа стаць на падатковы ўлік, заявіць аб тым, што ён ажыццяўляе дзейнасць, як самазаняты. У гэтым жа мабільным дадатку ён будзе адлюстроўваць суму атрыманага даходу. Налічэнне падатку будзе адбывацца аўтаматычна, плацельшчык атрымае ў дадатку суму падатку», - тлумачылі раней у МПЗ.

Гэта значыць, праца ў гэтым дадатку не прадугледжвае неабходнасць перадачы якіх-небудзь дакументаў, у тым ліку падатковай дэкларацыі.

Як часта трэба будзе плаціць падатак

Плаціць гэты падатак, як чакаецца, трэба будзе таксама праз спецыяльную мабільную аплікацыю. Выплата падатку прадугледжаная штомесяц. Напрыклад, за грошы, якія прыйшлі ў студзені, падатак трэба будзе заплаціць у лютым.

Ці трэба будзе заводзіць асобны рахунак самазанятага ці можна карыстацца сваімі бягучымі рахункамі?

- Падатковы кодэкс не рэгулюе парадак, што грошы павінны паступаць выключна на нейкія спецрахункі ў банках. Фізасоба павінна самастойна зафіксаваць суму атрыманых сродкаў, а ўжо спосаб іх атрымання падатковае заканадаўства не рэгулюе і не абмяжоўвае, - тлумачылі ў МПЗ.

А калі давядзецца вярнуць заказчыку грошы, а падатак ужо выплачаны з іх?

Калі самазанятаму давядзецца вярнуць заказчыку папярэднюю аплату, аванс або задатак, а з гэтай сумы ўжо выплачаны падатак, то трэба будзе адлюстраваць гэта ў мабільнай аплікацыі. Пераплачаны збор падаткавікі ўлічаць пры наступных аплатах.