Грузія перацяла наземную мяжу з Расеяй
5- 27.06.2022, 15:48
- 19,550
У чым прычына?
Наземная мяжа паміж Грузіяй і Расеяй перацятая. Усё праз пашкоджанне адрэзка дарогі ў выніку разліву ракі Церак, піша "Грузия Online".
Як адзначае Дэпартамент аўтамабільных дарог, у выніку разліву быў пашкоджаны 80-метровы адцінак нейтральнай зоны на 136-м кіламетры трасы Мцхета-Сцепанцмінда-Ларс.
Цяпер спецыялісты вывучаюць існую сітуацыю, каб як мага хутчэй аднавіць рух. На месцы працуе спецтэхніка, а аднаўленне дарогі пачнуць пасля таго, як узровень ракі знізіцца.
Датуль перамяшчацца па дарозе забаронена.