Украінцы захапілі ў баі найноўшую расейскую БМП-3

Яна будзе біць былых гаспадароў на перадавой.

Штурмавікі 128-й асобнай горна-штурмавой Закарпацкай брыгады атрымалі ў баі трафейную тэхніку – найноўшую расейскую БМП-3.

Пра гэта паведамляе Цензор.НЕТ са спасылкай на службу сувязяў з грамадскасцю 128 асобнай горна-штурмавой Закарпацкай брыгады. – Закарпацкі легіён.

Як адзначаецца, падчас штурму пазіцый расейцы ганебна ўцяклі, кінуўшы практычна цэлую баявую машыну з боекамплектам.

"Пасля бою БМП-3 даставілі ў рамонтны батальён на агляд. Як выявілі рамонтнікі, машына 2017 года выпуску і з прабегам усяго 3000 км. У яе нават ні разу не распакоўвалі рэмкамплект. Ніякіх сур'ёзных пашкоджанняў у машыны не знайшлі, адзіная няспраўнасць – страшныя смурод знутры, нібы там месяц жыў узвод брудных, потных і нямытых оркаў", – гаворыцца ў паведамленні.

Рамонтнікі вычысцілі машыну і ўзбраенне, праверылі асноўныя вузлы і аддалі ў падраздзяленне на перадавую. Цяпер яна будзе біць былых гаспадароў на перадавой.