19 жнiўня 2022, Пятніца, 7:25
Сім сім, Хартыя 97!
Рубрыкі

«Хунта выпадкова можа атрымаць лакальны крызіс»

32
«Хунта выпадкова можа атрымаць лакальны крызіс»

За лічбамі аб намалотах збажыны хаваецца сумная рэальнасць.

Нарада аб чарговай бітве за ўраджай прадэманстравала, што ў краіне, якая на словах ганарыцца намалотамі і надоямі, усё не так ужо добра.

За лічбамі аб намалотах збажыны хаваецца сумная рэальнасць, якая пацвярджаецца яшчэ пакуль не закрытай статыстыкай. Аграхунта здольная вырабляць выключна фуражнае зерне ў вялікіх аб'ёмах, піша Telegram-канал «Ник и Майк».

Высноў некалькі.

1. Беларусь сапраўды залежыць ад імпарту збожжа, неабходнага для харчовай прамысловасці. Парадокс у тым, што для жывёлы, якая ўсё падае і падае, кармавая база ў хунты ёсць. А для людзей - не. Але ў лічбах там мільёны тон ды іншыя казкі.

2. Асноўныя пастаўшчыкі пшаніцы – Расея, Украіна і Казахстан. Украіну можна выкрэсліваць са спісу. З Казахстанам таксама не ўсё так адназначна. Гандлёвая вайна тлее, і наколькі бяспечны транзіт казахскай збажыны праз тэрыторыю Расеі, цяпер ніхто не можа сказаць.

Ці накорміць Расея - таксама пытанне, у тым ліку цэны ва ўмовах абмежаванага доступу да іншых рынкаў і спецыфікі ўтварэння курса расейскага рубля.

3. Сітуацыя пагаршаецца тым, што насенную пшаніцу хунта закупляе выключна ў «варожых заходніх краінах». І неўзабаве стане пытанне аб дастатковасці і якасці насеннага фонду.

4. Мы спецыяльна не гаворым аб іншай сельскагаспадарчай прадукцыі, якая ў выніку вайны не будзе пастаўляцца агрэсару Украінай. Ад сланечнікавага алею да розных тыпаў шротаў, неабходных для вырабу кармоў для жывёлы.

Гэта значыць, гуляючы ў стварэнне праблемы сусветнага голаду, хунта выпадкова можа атрымаць лакальны крызіс. Менавіта з гэтым і была звязаная нарада. Зрэшты, мы не здзіўленыя.

Схільнасць да простых і папулісцкіх парадаў у стылі «вам трэба больш грошай - дык зарабляйце больш», ні да якіх іншых вынікаў прывесці не можа.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».