8 жнiўня 2022, панядзелак, 0:38
Сім сім, Хартыя 97!
Рубрыкі

УСУ разграмілі групу расейскіх дыверсантаў і адбілі штурм у раёне Дабранкі

1
УСУ разграмілі групу расейскіх дыверсантаў і адбілі штурм у раёне Дабранкі

Акупанты адступілі на паўднёвым напрамку.

Украінскія абаронцы амаль поўнасцю знішчылі ДРГ акупантаў і паспяхова адбілі штурм у раёне Дабранкі.

Пра гэта на сваёй старонцы ў Facebook паведамляе Генштаб УСУ.

На Паўднёвабугскім кірунку вораг засяродзіў намаганні па прасоўванні падраздзяленняў Сілаў абароны Украіны. Вёў абстрэлы з мінамётаў, танкаў, ствольнай і рэактыўнай артылерыі ў раёнах населеных пунктаў Ліманы, Пасад-Пакроўскае, Прыбугскае, Мірнае, Катлярова і Благадатнае.

"У раёне Дабранкі нашы ваяры амаль поўнасцю знішчылі дыверсійна-выведную групу праціўніка і паспяхова адбілі варожы штурм ворага, які адбыўся ўслед за гэтым", – гаворыцца ў паведамленні.

У акваторыі Чорнага і Азоўскага мораў вораг утрымлівае ў гатоўнасці да нанясення ракетных удараў па аб'ектах інфраструктуры на тэрыторыі Украіны чатыры носьбіты крылатых ракетаў марскога базавання тыпу "Калібр".

Украінскія ракетна-артылерыйскія і авіяцыйныя падраздзяленні на пэўных напрамках прадаўжаюць біць па апорных пунктах, месцах засяроджвання і складах ворага.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».