Транспартны рынак Беларусі можа пакінуць да 12% дробных гульцоў

Рост выдаткаў можа збанкрутаваць транспартнікаў.

Рынак могуць пакінуць да 12% дробных ігракоў з Беларусі. Нават сярэднім транспартным кампаніям цяпер будзе складана ўбудавацца ў міжнародныя ланцужкі.

Паводле інфармацыі транспартна-лагістычнага холдынгу «Транзіт», кошты запчастак і расходных матэрыялаў выраслі прыблізна на 78% у параўнанні з лютым 2022. Гэта пагражае галіне стратамі і праблемамі з абнаўленнем парку, піша probusiness.io.

Акрамя падзення ставак кампаніі сутыкнуліся з павелічэннем сабекошту перавозак. Са слоў аналітыкаў кампаніі «Першы Біт. Брэст», гэта адбываецца праз падаражанне страхавання і рост інфляцыі. Сітуацыя на рынку ў Беларусі можа прывесці да скарачэння колькасці дробных вознікаў. Ім будзе больш выгадна стаць часткай буйной кампаніі, здаўшы сваё аўто ў карыстанне. Рынак могуць пакінуць да 12% дробных гульцоў (з аўтапаркам, меншым за 10 аўто).

З надыходам санкцый транзітныя маршруты значна ўскладніліся.

Змяніўся і лагістычны ланцужок для тавараў з Кітая, якія ідуць у Еўропу. Асноўная змена закранае схемы працы з грузамі. Цягач на расейскіх або беларускіх нумарах дастаўляе прычэп у прыгранічны транспартна-лагістычны цэнтр або сэрвісную зону шэрага аб'ектаў інфраструктуры «Белмытсэрвіса» і трох складоў часовага захоўвання «Брэстзнештранса», «Белімпартгандлю», «Транзіту». А адтуль цягачы з еўрапейскімі нумарамі будуць дастаўляць прычэп у пункт назначэння на тэрыторыі ЕЗ.

На жаль, для кампаній сярэдніх памераў нават пры наяўнасці парка ад 30 аўто, але без даччыных кампаній, уступіць у лік міжнародных вознікаў цяпер момант будзе няпроста, мяркуюць экспэрты рынка.