Ілан Маск: Я не збіраюся набываць спартыўныя каманды
3- 17.08.2022, 9:11
- 2,174
Мільярдэр назваў жартам сваё паведамленне аб куплі «Манчэстэр Юнайтэд».
Амерыканскі бізнэсовец Ілан Маск зняпраўдзіў агучанае раней паведамленне аб куплі англійскага футбольнага клуба «Манчэстэр Юнайтэд».
Раней Маск у Twiiter заявіў, што маю намер набыць «МЮ»: «Я падтрымліваю левую палову Рэспубліканскай партыі і правую палову Дэмакратычнай партыі! Акрамя таго, я купляю «МЮ», сардэчна запрашаем».
Затым амерыканец, адказваючы на пытанне аб сур'ёзнасці свайго выказвання, напісаў: «Не, гэта даўні жарт у Twitter. Я не збіраюся набываць спартовыя каманды».
Цяпер уладальнікам «Манчэстэр Юнайтэд» з'яўляецца сям'я амерыканскіх бізнэсоўцаў Глейзераў. Каманда пасля двух тураў чэмпіянату Англіі займае апошняе месца ў табліцы, не набраўшы ніводнага бала.