26 верасня 2022, панядзелак, 19:26
Сім сім, Хартыя 97!
Рубрыкі

У Мінабароны Беларусі пракаментавалі набоі, якія ўпалі пад Лепелем

14
У Мінабароны Беларусі пракаментавалі набоі, якія ўпалі пад Лепелем

Версія Мінабароны адрозніваецца ад версіі відавочцы.

Мінабароны Беларусі пракаментавалі падзенне набояў пад Лепелем. Адзначым, што гэта адбылося толькі пасля таго, як пра інцыдэнт стала вядома прэсе.

«На палігоне «Лепельскі» падчас кантрольных заняткаў у стральбе артылерыі ў выніку рыкашэту два набоі ўпалі ў возера і балота, у межах бяспечнага аддалення ад найбліжэйшых населеных пунктаў», — заявілі ў ведамстве.

У Мінабароны адзначылі, што шкоды і пацярпелых няма.

Нагадаем, удзень 18 жніўня ў вёсцы Бор Лепельскага раёна Віцебскай вобласці ўпалі два набоі. Непадалёк знаходзіцца палігон «Лепельскі», дзе яшчэ ў пачатку жніўня Мінабароны анансавала вайсковыя вучэнні. Са слоў відавочцы, адзін з набояў упаў проста ў вясковы агарод, другі - у возера. На шчасце, абышлося без пацярпелых. На месца здарэння прыехалі міліцыя і МНС.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».