Украінскія памежнікі знішчылі дыверсантаў, якія спрабавалі пераплысці Северскі Данец

Два акупанты зліквідаваныя, а астатнія ўдзельнікі ДРГ уцяклі.

Украінскія памежнікі перашкодзілі спробе расейскіх дыверсантаў фарсаваць раку Северскі Данец. Двое акупантаў сталі "грузам 200", адзін паранены.

Як паведамляе Дзяржаўная памежная служба Украіны, памежнікі заўважылі групу акупантаў на рацэ Северскі Данец.

«Тыя знялі з сябе ўсю форму і рыштунак, каб зручней фарсаваць раку. Заплыў не выйшаў: двое ворагаў знішчаныя, адзін паранены. Астатнія ўдзельнікі ДРГ уцяклі», - гаворыцца ў паведамленні.