Якія пенсійныя змены чакаюць беларусаў да канца 2022 года
10- 8.08.2022, 9:19
- 12,638
Шэраг новаўвядзенняў, якія закрануць партманэты беларускіх пенсіянераў.
Да канца 2022 года беларусаў чакае шэраг важных пенсійных навін, якія, несумненна, паўплываюць на партманэт кожнага. Змены чакаюць пенсіянераў беларусаў у кастрычніку 2022-га і ў студзені 2023-га, піша «Комсомолка».
Вось якія змены рыхтуюць для пенсіянераў у Беларусі:
- новыя пенсійныя пераўтварэнні;
- павелічэнне мінімальнага страхавога стажу;
- новы разлік пенсійных выплат.
Што тычыцца чарговых пенсійных пераўтварэнняў, то з 1 кастрычніка 2022-га яны закрануць дадатковую назапашвальную пенсію. Указ аб добраахвотным страхаванні дадатковай назапашвальнай пенсіі быў падпісаны яшчэ ў верасні 2021-га, а ўступае ў дзеянне ён ужо праз пару месяцаў.
Так, з кастрычніка працаўнікі пры жаданні змогуць выплачваць страхавы ўнёсак на дадатковую назапашвальную пенсію - да 10 адсоткаў ад свайго заробку. А наймальнікі будуць абавязаныя пералічваць на гэты рахунак яшчэ да 3%.
Што да павелічэння мінімальнага страхавога стажу, то ён падвышаецца з 1 студзеня 2023-га і будзе складаць на паўгода больш - роўна 19 гадоў. У мінімальны страхавы стаж, неабходны для атрымання працоўнай пенсіі, уваходзяць толькі тыя гады, калі працадаўца плаціў за работніка страхавыя ўнёскі Фонд сацабароны. Дарэчы, да 2025-га мінімальны страхавы стаж у Беларусі хочуць павялічыць і да 20 гадоў.
А вось тут у Мінпрацы растлумачылі, які стаж не ўлічваецца пры налічэнні пенсіі ў Беларусі.
Па-новаму разлічваць пенсіі беларусам будуць ужо з 1 студзеня 2023 года. Так, на 1 год будзе павялічаны перыяд, за які бяруць заробак для разліку пенсіі - да 29 гадоў (348 месяцаў) бесперапыннага стажу працы. У Мінпрацы паведамлялі, што кожны год гэты перыяд павышаецца на 1 год да фактычнага стажу работы.
А вось чуткі аб новай пенсійнай рэформе, калі пенсія будзе ў 63 гады і для жанчын, і для мужчын, а адлічэнні ў пенсійны фонд - 14% ад заробку, пакуль не пацвердзіліся.