Перанос вайны на тэрыторыю РФ: названы нечаканы сцэнарый
15- 23.09.2022, 9:50
- 25,900
Для гэтага УСУ нават неабавязкова ўрывацца.
Адным з элементаў перамогі ў вайне з расейскімі акупантамі можа быць перанос баявых дзеянняў на тэрыторыю супраціўніка, заявіў расейскі апазіцыянер і праваабаронца Марк Фейгін.
Як падкрэсліў ён у інтэрв'ю «Главреду», неабходна стымуляваць пачатак вайны на тэрыторыі Расеі.
«Не абавязкова самім урывацца. Але калі даць зброю грузавікамі, то вы ж разумееце, што ахвочых узяць гэтую зброю будзе шмат. Уяўляеце, што могуць зрабіць 30-40 тысяч аўтаматаў у прымежных абласцях Расеі?», - растлумачыў суразмоўца.
Ён мяркуе, што пасля гэтага расейскім уладам будзе неабходна «тушыць пажары» ужо ў самой РФ.
«А калі ўсе скажуць, што, маўляў, самі ў сябе ўнутры разбірайцеся, гэта падвышае шанцы на тое, што сістэма закаркуецца», - дадаў Фейгін.
Паводле ягоных слоў, дэакупацыя практычна ўсёй Харкаўскай вобласці істотна паўплывала на грамадскую думку ў РФ.