ЗША дадуць Украіне да 16 пускавых установак NASAMS
9- 27.09.2022, 20:01
- 10,958
Устаноўкі прызначаныя для перахопу ракетаў, самалётаў і іншых паветраных цэляў.
ЗША спачатку перададуць Украіне дзве батарэі сістэмаў NASAMS, кожная з якіх можа мець да васьмі пускавых установак.
Пра гэта паведамляе РБК-Украіна са спасылкай на прадстаўніка камандавання Паветраных сілаў УСУ Юрыя Ігната на брыфінгу.
«Нам будуць перададзеныя спачатку дзве батарэі. Батарэя можа мець да васьмі пускавых установак, а таксама камандны пункт, радар, які будзе бачыць цэлі. Батарэя NASAMS – гэта фактычна наш дывізіён, гэта да васьмі пускавых установак», – сказаў ён.
Так, спачатку Украіна атрымае дзве батарэі, а далей неабходна будзе браць да ўвагі магутнасці вытворчасці і рабіць усе крокі на дыпламатычным фронце, каб свет дапамагаў нам гэтымі сістэмамі і надалей.
Ігнат таксама расказаў, што перамовы пра перадачу Украіне NASAMS пачаліся яшчэ ў першыя дні поўнамаштабнай вайны, але пастановы пра пастаўкі прымаюцца не хутка.
Адзначым, што NASAMS – гэта перасоўны зенітна-ракетны комплекс, прызначаны для барацьбы з ракетамі, самалётамі ды іншымі паветранымі цэлямі на малых і сярэдніх вышынях.
Што вядома пра NASAMS
NASAMS – гэта перасоўны зенітна-ракетны комплекс. Гэта сістэма СПА прызначаная для перахопу ракетаў, самалётаў і іншых паветраных цэляў на малых і сярэдніх вышынях.
NASAMS з'яўляецца супольнай распрацоўкай нарвежскай кампаніі Norwegian Kongsberg і амерыканскай Raytheon.
Характарыстыкі NASAMS:
Далёкасць паразы: ад 2.5 да 40 км.
Вышыня паразы: ад 30 м да 16 км.
Час рэагавання: 10 секундаў.