6 снежня 2022, aўторак, 1:04
Сім сім, Хартыя 97!
Рубрыкі

Кітайскі юань упаў рэкордна з часоў распаду СССР

12
Кітайскі юань упаў рэкордна з часоў распаду СССР

Валюта КНР «здрыганулася» пад ціскам даляра.

Кітайскі юань - адзіны актыў, які не трапіў пад санкцый, у рэзервах расейскага ЦБ - перажывае катастрофу, якой не бачыў з першых гадоў пасля распаду СССР, паведамляе finanz.

На таргах у сераду курс юаня да даляра на афшорным рынку падаў да адзнакі 7.24 - найгоршай з 2008 года.

Другі дзень запар юань разбураецца практычна на максімальна магчымую велічыню: яго афшорны курс не можа адхіляцца больш чым на 2% ад афіцыйнага, устаноўленага Народным банкам КНР.

З пачатку года курс даляра да юаня ўзляцеў на 13%. Самае імклівае падзенне з 1994 года адрэзала як мінімум $14 млрд ад апошніх рэзерваў расейскага цэнтрабанка: на пачатак года ён трымаў бязмала 700 млрд юаняў, якія каштавалі $110 млрд.

Юань уздрыгнуў па ціскам даляра, які перажывае рэкорднае за 20 гадоў ралі: ФРС ЗША падвышае стаўкі з хуткасцю, якой рынкі не бачылі з канца 1970-х, а акрамя таго, адбірае даляравую ліквіднасць, скарачаючы баланс.

Даляр прадоўжыць даражэць, бо ЗША, відавочна, ніяк не занепакоеныя яго ростам, кажа Раджэў дэ Мэла, кіраўнік актывамі GAMA AM.

Наадварот - моцны даляр «дапамагае ім утаймаваць інфляцыю», дадае ён.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».