Лукашысты хочуць павесіць на беларусаў новы падатак
16- 3.09.2022, 20:24
- 32,048
Новы падатак плануюць увесці ўжо з наступнага года.
З 1 студзеня 2023 года некаторыя беларусы будуць плаціць новы падатак - на прафесійны прыбытак. Як і хто гэта будзе рабіць, расказаў начальнік галоўнай ўправы падаткаабкладання фізічных асоб Міністэрства падаткаў і збораў Беларусі Андрэй Кавалеўскі.
З каго запатрабуюць падатак?
- Урад яшчэ вызначыць пералік асоб, якія будуць трапляць пад гэты падатковы рэжым, - папярэдзіў Кавалеўскі.
Раней паведамлялася, што плаціць падатак на прафесійны даход будуць фізічныя асобы, якія "ажыццяўляюць дзейнасць, якая не належыць да прадпрымальніцкай".
Колькі трэба будзе плаціць?
- Стаўка падатку складае 10% ад атрыманага даходу. Калі ёсць яшчэ ўзаемадзеянне дадаткова з юрыдычнымі асобамі і беларускімі арганізацыямі і сума гадавога даходу перавысіла 60 тысяч беларускіх рублёў, то тут падатак будзе налічвацца паводле стаўкі 20 адсоткаў, - растлумачыў Кавалеўскі.
Адлічэнні ў ФСАН
Як расказалі ў Фондзе сацыяльнай абароны насельніцтва, падатак на прафесійны даход заменіць падаходны падатак.
60% ад сумы падатку на прафдаход накіруюць у бюджэт ФСАН - зыходзячы з гэтых паступленняў пасля разлічаць страхавы стаж і прызначаць пенсію.
Пенсіянеры, якія працуюць, не будуць плаціць унёскі ў ФСАН і, адпаведна, для іх падатак на прафесійны даход будзе меншы.