Дыэтолагі склалі спіс нізкакаларыйных вячэр, якія даступныя кожнаму

Жаданне вымеркаваць зусім не ўплывае на смак ежы.

Калі на дварэ крызіс, а эканоміка зазнае не найлепшыя часы, кожны чалавек імкнецца зацягнуць паясы і скараціць выдаткі там, дзе гэта магчыма. Увогуле, вымеркаваць можна і на ежы.

Вядома, гаворка ідзе не аб тым, каб купляць не надта якасныя прадукты. На гэтым якраз ашчаджаць ні ў якім разе нельга. Свежасць і якасць перадусім. А вось прыгатаваць вытанчаныя і вельмі смачныя стравы з параўнальна даступных і распаўсюджаных прадуктаў можна з лёгкасцю.

Сайт food.inmyroom.ru падзяліўся смачным наборам з 15 вячэр для вас і вашай сям'і, якія не нашкодзяць не толькі постаці, але і вашаму партманету.

1. Рыс, звараны ў зялёнай гарбаце.

Паспрабуйце зварыць рыс у зялёнай гарбаце. Вынік вас прыемна здзівіць: крупы пацешыць вас далікатным і вельмі арыгінальным смакам. Акрамя таго, страва стане яшчэ больш карыснай. Дадавайце гарбату да вады ў прапорцыі 1 да 1 або акуніце 3 пакункі з гарбатай у ваду, якая ўжо кіпіць.

2. Курыны суп з ячменнымі крупамі

Гарачае абавязкова мае быць у рацыёне. Звярніце асаблівую ўвагу на супы. Яны паляпшаюць працу стрававальнай сістэмы і дапамагаюць прадухіліць пэўныя захворванні страўніка і кішачніка. Прыгатуйце на вячэру курыны суп з ячменнымі крупамі. Ён вельмі пажыўны, смачны і сытны.

3. Індык з лімонам

Патушыце індыка ў агароднінным булёне з лімонам. Мяса птушкі выйдзе вельмі далікатным і сакавітым. Кожны кавалачак такога індыка будзе літаральна раставаць у роце. Не бойцеся за постаць, бо гэты прадукт лічыцца дыэтычным і ніяк не можа стаць прычынай лішніх кілаграмаў.

4. Агароднінныя фрыкадэлькі

Агароднінныя фрыкадэлькі гатуюцца вельмі проста і хутка. Зусім не абавязкова быць вялікім кулінарам, каб падаць іх да стала. Гаспадыня з усякім узроўнем падрыхтоўкі з лёгкасцю ўправіцца з гэтай стравай. Спяшайцеся парадаваць і смачна накарміць сямейнікаў!

5. Простая паста з таматавым соусам

Вытанчаная паста не патрабуе вялікіх фінансавых укладанняў. Існуе вялікае мноства рэцэптаў гэтай стравы. Самыя простыя з іх часам бываюць самымі смачнымі. Звычайная таматная падліўка здольная прыкметна змяніць гэтую страву і надаць ёй незвычайны смак.

6. Пікантныя бульбяныя лустачкі

Бульба лічыцца адным з самых папулярных харчоў на беларускім стале. І гэта зусім не дзіўна. Бульба не толькі вельмі сытны, але і вельмі карысны караняплод.

7. Суп з цыбулі-пора з морквай

Морква і цыбуля-пор валодаюць вельмі цікавым насычаным смакам. З гэтых двух інгрэдыентаў можна прыгатаваць вельмі смачны і духмяны суп, які адным толькі сваім пахам збярэ ўсіх сямейнікаў за сталом. Варта паспытаць!

8. Хрумсткія рыбныя палачкі

Рыбныя палачкі так прыемна храбусцяць у роце, што спыніцца практычна немагчыма. Прыгатаваць іх можна з мінімуму інгрэдыентаў. Для гэтай стравы лепш за ўсё выбіраць філе траскі або камбалы.

9. Дранікі

З бульбы можна прыгатаваць вялікую колькасць смачных і сытных страў. Напрыклад, дранікі. Гэтая страва папулярная ў розных краінах свету. Яе яшчэ называюць дзерунамі. Аднак з такім цудоўным смакам назва не такая ўжо і важная.

10. Курыныя сцёгны ў яблычным марынадзе

Калі Вы мяркуеце, што вы прыгатавалі курыцу паводле ўсіх магчымых рэцэптаў, то спяшаемся Вас здзівіць. Прапануем арыгінальны рэцэпт курыных сцёгнаў у яблычным марынадзе. Гэта проста і, што самае галоўнае, вельмі смачна!

11. Капусныя катлеты з аўсянымі шматкамі

Смачныя катлеткі можна прыгатаваць не толькі з мяснога фаршу. Абавязкова паспытайце капусныя катлеты з аўсянымі шматкамі. Вас чакаюць немудрагелісты рэцэпт і файны смак! Гэта страва прыгатаваная з карысных складнікаў, таму не хвалюйцеся за сваю постаць.

12. Салата з бурака з фасоляй і яблыкам

Калі вы сытна паснедалі і паабедалі, то вячэра мае быць лёгкай. Пры адсутнасці яскрава выяўленага пачуцця голаду спыніце свой выбар на смачнай лёгкай салаце. Мы ведаем адну такую. Гэта салата з буракоў з фасоляй і яблыкам. Сакавіта і карысна!

13. Камякі з травой

Камякі - гэта папулярная сярод нашых суайчыннікаў страва. Яна вельмі простая, аднак трэба ведаць пэўныя хітрыкі і тонкасці яе прыгатавання, каб атрымаць сапраўды дзівосны вынік.

14. Лянівыя варэнікі

На вячэру можна падаць і лянівыя варэнікі. Гэта папулярная страва шмат каму знаёмая змалку. Калі вы не ў ліку гэтых шчасліўцаў, то пільна выпраўляйце непаразуменне. Падаваць лянівыя варэнікі да стала варта з садавіной або смятанай.

15. Сырны суп з салодкім перцам

Заўзятым фанатам супаў прысвячаецца рэцэпт сырнага супу са салодкім перцам. Удалае спалучэнне інгрэдыентаў, насычаны смак, класны водар - гэта ўсё пра яго. Пераканайцеся ў гэтым асабіста і прыгатуйце сырны суп на вячэру