FT: Бразілія і Аргентына хочуць стварыць уласную агульную валюту
23- 22.01.2023, 15:37
- 4,912
Валюта можа атрымаць назву «сюр».
Бразілія і Аргентына рыхтуюцца абвясціць аб стварэнні ўласнай агульнай валюты, а таксама хочуць запрасіць іншыя краіны Лацінскай Амерыкі далучыцца да валютнага блока.
Пра гэта паводле інфармацыі Financical Times будзе абвешчана на саміце ў Буэнас-Айрэсе, падчас візіту бразільскага прэзідэнта Луіза Інасіо Лула да Сілвы ў Аргентыну, які адбудзецца ўвечары 22 студзеня.
Бразілія прапануе назваць новую валюту «сюр». Першы час валюта будзе існаваць паралельна з бразільскім рэалам і аргентынскім песа.
Паводле ацэнак FT, валютны саюз, які можа ахапіць усю Лацінскую Амерыку, складзе амаль 5% сусветнага ВУП. У сваю чаргу найбуйнейшы ў свеце валютны саюз, еўра, ахоплівае амаль 14 працэнтаў сусветнага ВУП у даляравым эквіваленце.
Аднак на рэалізацыю праекта можа спатрэбіцца шмат гадоў, бо Еўропе спатрэбілася 35 год, каб стварыць еўра.
Як пісаў сайт Charter97.org, Бразілія і Аргентына абмяркоўвалі агульную валюту за апошнія некалькі гадоў, але перамовы праваліліся праз супраціў цэнтральнага банка Бразіліі.