5 лютага 2023, Нядзеля, 20:27
Сім сім, Хартыя 97!
Рубрыкі

Барыслаў Бяроза: УСУ з дапамогай HIMARS дастаюць да ўсіх расейскіх казармаў ва Украіне

13
Барыслаў Бяроза: УСУ з дапамогай HIMARS дастаюць да ўсіх расейскіх казармаў ва Украіне
БАРЫСЛАЎ БЯРОЗА

Расейскія «мобікі» гінуць тысячамі.

У Марыупалі ўчора адбыўся магутны выбух у казарме з 200 расейскімі акупантамі і гэта ўжо не першы выпадак.

Пра лёс «мобікаў» ва Украіне сайт Charter97.org пагаварыў з экс-дэпутатам Вярхоўнай Рады Украіны і сябрам украінскай дэлегацыі ў ПАРЕ Барыславам Бярозай:

- Такое будзе працягвацца да таго моманту, пакуль ва Украіне будзе хоць адзін акупант. Адпаведна, чым менш акупантаў, тым бліжэй перамога Украіны і заканчэнне вайны. Гаворка ідзе аб знішчэнні акупантаў незалежна ад таго, хто яны: «вагнераўцы», «чмобікі», кадравыя вайскоўцы ці найміты з іншых краін.

Як гэта было нядаўна з выпускнікамі макееўскага ПТВ, якія ў складзе 600 чалавек адправіліся на той свет. Вось і з гэтымі ў Марыупалі так. Іншых варыянтаў няма.

- Украінская выведка паведамляе, што Пуцін плануе мабілізаваць яшчэ 500 тысяч. Як такія ўдары Украіны па збоі акупантаў уплываюць на будучых «мобікаў»?

- Нядаўна ў сваім тэлеграм-канале «Бярозавы сок» я публікаваў відэа саратаўскіх «чмобікаў», якія ведалі, што адбылося ў Макееўцы, і не захацелі ехаць на фронт. Нават пад пагрозай арышту ці затрымання. Гэта цудоўная ілюстрацыя таго, як дэматывуюць расейскіх салдат гісторыі, якія адбываюцца з іх калегамі. Такіх гісторый з кожным днём будзе ўсё больш і больш, бо дзякуючы HIMARS мы цяпер дастаём практычна да ўсіх казармаў, якія цяпер знаходзяцца на часова акупаваных тэрыторыях Украіны.

Чым больш будзе такіх гісторый, тым менш жадання ў іх будзе ваяваць. Нават па грошы яны не вельмі жадаюць ва Украіну ехаць. Учора The New York Times апублікаваў цудоўныя спадарожнікавыя фатаграфіі, на якіх відаць могілкі ў станіцы Бакінскай у Краснадарскім краі, якія за два месяцы павялічыліся ў сем разоў. Падкрэслю, што гэта могілкі, на якіх пахаваныя «вагнераўцы». Са статыстыкі грамадзянскай арганізацыі «Русь, якая сядзіць», якая адсочвае сядзельцаў і іх сваякоў, з 50 тысяч мабілізаваных цяпер ваюе толькі 10 тысяч, а астатнія 40 тысяч альбо знішчаныя, альбо ў іх адарваныя рукі-ногі, альбо збеглі са зброяй і недзе блукаюць у Расеi.

Гэта таксама паказвае страты Крамля. Мінус 40 тысяч - гэта цудоўны вынік. Я гатовы соты раз паўтарыць, што знішчэнне акупантаў набліжае перамогу. Мы працягнем гэта рабіць, а дэматывацыя будзе рабіць сваю справу.

- Расейскія «мобікі» з Яраслаўскай вобласці, якія раней публічна паскардзіліся на сваё камандаванне і дрэннае забеспячэнне «другога войска свету», перасталі выходзіць на сувязь. Як вы думаеце, ці чакае нас больш такіх бунтаў?

- Інстынкт самазахавання падштурхоўвае «чмобікаў» да выказвання сваёй пазіцыі, а іх потым затрымліваюць і, хутчэй за ўсё, садзяць. Але ёсць такая прымаўка - лепш няхай мяне судзяць 12, чым нясуць шасцёра на могілкі.

Яны аддаюць перавагу, каб іх судзілі, а не пакаралі смерцю. Прыезд ва Украіну - гэта пакаранне смерцю, траплянне ў мясарубку з ваярамі УСУ для расейцаў не нясе нічога добрага. Наогул, скажу я вам, у расейцаў нейкая дзіўная нясцерпнасць Украіны, відаць, алергічная рэакцыя. Яны тут дохнуць проста тысячамі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».