«Нік і Майк»: Лукашэнка спрабуе забыцца пра трыбунал і «каліноўцаў»
8- 27.01.2023, 16:06
- 12,632
Што агульнага паміж беларускім дыктатарам і Чаўшэску?
Візіт Лукашэнкі ў Эміраты і Зімбабвэ цяжка назваць працоўным хоць у нейкай ступені. Эміраты выключна для адпачынку. Ёсць у яго звычка лётаць туды ўсёй вялікай сям'ёй без чальцоў афіцыйнай дэлегацыі. Увогуле сям'я Лукашэнкі любіць шмат адпачываць, піша Telegram-канал «Нік і Майк».
Пратакольныя фота - толькі шырма, за якой хаваецца банальнае жаданне адпачыць ад беларускіх нервякоў. Забыцца на 2020-ы, трыбунал, каліноўцаў і нават Зяленскага хоць на нейкі час. Акунуцца ў той свет, які, як здаецца, ён заслугоўвае. Дорага-багата для каралеўскай сям'і.
У гэтым плане сіняпальцы сінягуб нічым не адрозніваецца ад таго ж Чаўшэску, які цягнуў у сваю краіну ўбачанае і ўпадабанае ў замежных паездках. З ААЭ - раскоша для сям'і і набліжаных. І ніякай адказнасці ні за што.
У Зімбабвэ працы таксама шмат не будзе. Паглядзець на вадаспад Вікторыя і паралельна парашаць шкурныя інтарэсы. Асноўны праект - здабыча золата. Ідзе некалькі гадоў ні хістка, ні валка. Радовішчы даўно выпатрашаныя, для рэнтабельнай працы патрэбны ўсё новыя дзялянкі пад выведку і распрацоўку. Без асабістай пастановы зімбабвійскага візаві гэтае пытанне не развяжацца.
Заадно трэба разабрацца з праблемамі з пастаўкамі тэхнікі, якая «нечакана» закупляецца ў абыход тэндэрных працэдур і завышанымі коштамі. Як заўсёды, у гісторыі хунты яшчэ не атрыманыя грошы змарнаваныя і іх трэба выбіваць цяпер з зімбабвійскага боку ўсякім коштам. Як ні дзіўна, у Зімбабвэ выявілася захавання працэдур і празрыстасці закупаў больш, чым унутры хунты. Што нядзіўна - тэндэнцыю руху ў бок Тартугі мы пазначалі раней.
Узровень паездак і візітаў сіняпальцага і яго расейскага таксічнага субрата або Лаўрова «перастаў захапляць нават балгар».