«СерпомПо»: Важна, каб Лукашэнка адказаў у судзе
16- 8.01.2023, 21:42
- 18,554
Гісторыя такая вычварная.
Аляксандр Лукашэнка, які жорстка здушыў мірныя пратэсты ў сваёй краіне, з бравадай заявіў сёння:
«Я ўжо кажу: каб далей так было са здароўем! А яны ў мяне ўсё новыя хваробы знаходзяць… Гэта дрэнна, калі людзей хаваюць і пра здароўе гавораць вось у такім плане. Гэта вомегам вылезе ім, а мы будзем жыць!
Што ў Беларусі, што ў Расеі - людзі не бачаць магчымасці перамен пры аўтарытарных кіраўніках і спадзяюцца на тое, што з іхнім адыходам з жыцця нешта пачне мяняцца ў лепшы бок. Гэта ясна.
Але ўсё ж гісторыя такая вычварная, што Лукашэнка з часам можа страціць уладу. Важна, каб ён адказаў у прававым судзе за гвалт, які чыніў, за растаптаныя лёсы людзей. Каб працэс гэты быў пазбаўлены помслівасці, злосці, а сам падсудны меў магчымасці абароны, якімі валодаюць абвінавачаныя ў прававым грамадстве.
Моцнае здароўе Лукашэнкі - зарука таго, што ён дажыве да суда, піша Telegram-канал «СерпомПо».