Нетаньяху наведаў вайскоўцаў на поўдні Ізраіля
- 14.10.2023, 21:16
- 3,576
Прэм'ер Ізраілю заявіў аб пачатку «наступнага этапу» вайны.
Прэм'ер-міністр Ізраіля Біньямін Нетаньяху наведаў вайскоўцаў паблізу Сектара Газа. Пры гэтым заявіў аб падрыхтоўцы «наступнага этапу» вайны.
Пра гэта паведамляе The Jerusalem Post.
Нетаньяху наведаў селішчы Беэры і Кфар-Аза на поўдні Ізраілю. Прэм'ер сустрэўся з салдатамі і прайшоўся па руінах дамоў у грамадах, якія пацярпелі ад жудаснага нападу на мінулым тыдні.
«Вы гатовы да наступнага этапу? Наступны этап набліжаецца», - спытаў прэм'ер-міністр у салдат.
Аднак ён не ўдакладніў, што ён меў на ўвазе пад «наступным этапам».
'Next stage is coming,' Netanyahu tells IDF on visit to southern Israel https://t.co/VZMgMrEGOz | @MaayanJaffe pic.twitter.com/X51NJgZcFq
— The Jerusalem Post (@Jerusalem_Post) October 14, 2023
У той жа час Міністэрства абароны Ізраілю заявіла, што сілы ЦАХАЛа рыхтуюцца да рэалізацыі шырокага спектру аператыўна-наступальных планаў.
«Цяпер сілы ЦАХАЛа, абапіраючыся на шырокую матэрыяльна-тэхнічную базу і сотні тысяч набраных рэзервістаў, рыхтуюцца да рэалізацыі шырокага спектра аператыўных наступальных планаў, якія могуць уключаць камбінаваныя і скаардынаваныя ўдары з паветра, мора і сушы», - гаворыцца ў паведамленні.
Пры гэтым адзначаецца, што наземныя войскі ЦАХАЛа і Управа тэхналагічнага і матэрыяльна-тэхнічнага забеспячэння рыхтуюцца да пашырэння сферы баявых дзеянняў.
Былі створаныя перадавыя цэнтры матэрыяльна-тэхнічнага забеспячэння, якія даюць магчымасць баявым падраздзяленням хутка атрымліваць неабходнае абсталяванне.
«Батальёны і салдаты ЦАХАЛа разгорнутыя па ўсёй краіне і падвышаюць баявую гатоўнасць да наступных этапаў вайны з акцэнтам на значныя наземныя аперацыі», - гаворыцца ў паведамленні Мінабароны.
