Стала вядома, хто будзе адказваць за СМІ ў Мінабароны Украіны

Ён зойме месца Ганны Маляр.

Пісьменнік і вайсковец Іларыён Паўлюк стаў новым кіраўніком Управы прэсы і інфармацыі Мінабароны Украіны.

Пра гэта паведамляе Charter97.org са спасылкай на Facebook Паўлюка.

«Прымаю новую пасаду кіраўніка Управы друку і інфармацыі Міністэрства абароны. Новыя задачы, новы амбіцыйны кірунак, вялікая адказнасць. Дзякуй міністру абароны за тое, што паверыў у мяне і маю каманду!» – гаворыцца ў паведамленні.

Паўлюк фактычна зойме месца Ганны Маляр, якая на пасадзе намесніка Мінабароны Украіны адказвала і за інфармацыйны кірунак, але была звольненая пастановай Кабінета міністраў 27 верасня разам з іншымі намеснікамі папярэдняга міністра.

Іларыён Паўлюк – украінскі журналіст, прадзюсар, пісьменнік, медыямэнэджар і ўжо былы вайсковец Галоўнай управы выведкі Мінабароны Украіны.