Беларусы абурыліся новаўвядзеннем у «Е-дастаўцы»

У замову дадалі опцыю, якую немагчыма прыбраць.

Чытачка onliner.by Таццяна часта карыстаецца сэрвісам «Е-дастаўка» і нядаўна заўважыла, што ў замову патрапілі платныя пакеты, ад якіх немагчыма адмовіцца. Платныя пакеты ў замовах заўважылі і некаторыя карыстачы форума. Журналісты спыталі ў «Е-дастаўкі», што гэта за навіна.

— Заказваю дастаткова часта і цяпер звярнула ўвагу, што ў замову ўключылі платныя пакеты па 11 капеек за штуку, з замовы іх прыбраць немагчыма. Праверыла тры апошнія замовы, там платных пакетаў не было.

З аднаго боку, пакеты таксама каштуюць грошай, але з другога - чаму пра гэта не папярэджваюць (напрыклад, праз апавяшчэнне на сайце) і не даюць магчымасці адмовіцца, разважае Таццяна.

- Як правіла, выконваючы таварнае суседства, асобную катэгорыю прадуктаў пакуюць у асобны пакет, і атрымліваецца, што на дастаўцы прывозяць сем-восем пакетаў, якія мне не патрэбныя.

Хачу патлумачыць, што я не збяднею пры ўкараненні платных пакетаў, але хацелася б зразумець логіку: чаму зрабілі платнымі і паводле якога прынцыпу разлічваецца колькасць.

Змены заўважылі і іншыя пакупнікі, якія казалі, што пакеты не атрымлівалася прыбраць з замовы.

Журналісты звярнуліся да прадстаўнікоў сэрвісу па каментар. Адказ сэрвісу:

- Тэставалі механіку разліку пакетаў, сапраўды, пару дзён яны «прыляпляліся» да заказаў без магчымасці выдалення. На гэты момант усё працуе па-ранейшаму - пакеты бясплатныя. Увядзенне аплаты пакетаў не плануецца.