Лукашэнка заклікаў чыноўнікаў і банкіраў рыхтавацца да новых санкцый

Дыктатар заявіў, што чыноўнікі агідна працуюць.

Запланаваныя змяненні законаў у пытаннях банкаўскай дзейнасці сталі тэмай нарады ў Аляксандра Лукашэнкі, якая прайшла 7 лютага.

Адкрываючы пасяджэнне, Лукашэнка зазначыў, што не задаволены працай урада і банкаў аб праходжанні плацяжоў пры ажыццяўленні замежнагандлёвых аперацый.

«Мы быццам бы прадукцыю можам паставіць і іншае… Але гэта найбліжэйшым часам мы разгледзім, зробіць справаздачу ўрад і банкі, як яны працуюць з плацяжамі. Проста трэба жыліцца і працаваць, - падкрэсліў Лукашэнка. - Таму трэба спецыялістам Нацыянальнага банка і ўвогуле банкам падключацца да развязання праблемы праходжання плацяжоў. Гэтай праблемы быць не павінна. Яе няма: мы проста агідна працуем. І асобныя нашы прыватнікі паказваюць, як трэба працаваць».

Узурпатар таксама запатрабаваў ад чыноўнікаў не расслабляцца:

«Расею шпігуюць дадатковымі санкцыямі і, каб праз нас не было шляху абыходу, нас таксама будуць дадатковымі санкцыямі не проста палохаць, а абмяжоўваць».