Генерал УСУ: Пуцін гатовы здаваць тэрыторыі дзеля перамоў з Кіевам

У Крамлі шукаюць выйсце з тупіку.

Краіна-тэрарыстка Расея мае вялікую патрэбу ў паўзе ў вайне і мірных перамовах з Украінай. Дзеля гэтага яна гатова здаваць частку захопленых у нашай краіне тэрыторый.

Такое меркаванне ў эксклюзіўным інтэрв'ю obozrevatel.com выказаў экс-намеснік начальніка Генеральнага штаба Узброеных сіл Украіны, генерал-лейтэнант Ігар Раманенка. «Найперш, Расея хацела б пакінуць за сабой Крым, а таксама Данбас», – заўважыў ён.

З ацэнак генерала, у Крамлі ўсведамляюць, што вялікая вайна з Украінай бесперспектыўная, і шукаюць шляхі яе спынення. Там могуць разглядаць варыянты пэўнага торгу з Украінай.

«Яны разглядаюць розныя варыянты. У тым ліку і этапы таго, што і калі можна было б здаваць, каб пераходзіць да перамоў», – выказаў меркаванне Раманенка.

Ён растлумачыў, што ворагу неабходны час, каб падрыхтавацца да новага наступу на Украіну. У гэтым кантэксце генерал нагадаў аб тым, што падрыхтоўка да поўнамаштабнага ўварвання заняла восем гадоў - з 2014 да 2022 года.

Раманенка падкрэсліў: вельмі важна, каб заходнія саюзнікі дапамаглі Украіне рэалізаваць задачу, якая была сфармуляваная на першай сустрэчы ў фармаце «Рамштайн» - паслабленне войска Расеі да такога стану, каб яна не была здольная ваяваць.

«Мы ведаем, якую дапамогу кааліцыя з больш як 50 краін, найперш, NАТО надае Украіне. Хаця з улікам хуткасці выдачы і наменклатуры ўзбраенняў і тэхнікі мы бачым, што пакуль саюзнікі развязваюць задачу таго, каб Украіна не саступіла. Толькі паступова і вельмі марудна яны пераходзяць у стан, каб Украіна разам са сваімі саюзнікамі перамагла ў гэтай вайне», - рэзюмаваў генерал.