Пянткоўскі: У Маскве паніка

Расейскі публіцыст заявіў, што Захад зняў апошняе табу для Украіны.

Захад зняў апошняе табу для Украіны, якое датычыцца абмежавання ў нанясенні ўдараў па тэрыторыі Расеі перададзенай зброяй.

Пра гэта ў інтэрв'ю unian.net распавёў расейскі публіцыст і апазіцыянер Андрэй Пянткоўскі, успомніўшы аб планах ЗША перадаць Украіне GLSDB для HIMARS і планах Вялікай Брытаніі дапамагчы УСУ ўзмацніцца дальнабойнымі ракетамі.

«Самалёты ва Украіны будуць так ці інакш. На мой погляд, каласальны прарыў здзейснены ў іншым - знятае апошняе табу, якое Захад накладваў, - заявіў экспэрт. - Гэтай зброі дастаткова для перамогі. Але вось гэтае абмежаванне - не выкарыстоўваць яго для ўдараў па Расейскай Федэрацыі - не развязвала іншую найважнейшую праблему - выратаванне гарадоў, якія бяскарна знішчаюцца расейцамі».

Са слоў Пянткоўскага, у Маскве назіраецца паніка праз перадачу Украіне гэтых ракет.