Нямецкі канцэрн Rheinmetall заявіў аб гатоўнасці адправіць Кіеву найноўшыя танкі Panther

Іх пакуль не выкарыстоўвае ніводнае войска свету.

Украіна можа атрымаць найноўшыя нямецкія танкі Panther, якія пакуль не выкарыстоўвае ніводнае войска свету. Яны знаходзяцца ў стадыі перадсерыйнага прататыпу, але кіраўнік канцэрна Rheinmetall Армін Папергер сказаў, што хоча адправіць іх Кіеву. Аб гэтым ён заявіў газеце Handelsblatt.

«Мы вядзём перамовы з Кіевам аб экспарце Panther», – сказаў Папергер. Украіна можа стаць першым пакупніком гэтых танкаў. Кіеў таксама выказаў цікавасць да сучасных баявых машын пяхоты (БМП) Lynx, сказаў Папергер.

Аднак спачатку ўрад Нямеччыны павінен выдаць экспартны дазвол. У якасці аргументаў за пастаўкі Папергер называе той факт, што Нямеччыне самой неабходны танкі Leopard, якія краіна пагадзілася адправіць Кіеву. Паводле ягоных слоў, краіна больш не можа перадаваць машыны са сваіх запасаў.

Калі канцэрн атрымае экспартную ліцэнзію, танкі Panther могуць патрапіць ва Украіну ўжо праз 15-18 месяцаў. Вырабіць машыны могуць у Нямеччыне ці Вугоршчыне. Мінулым летам кампанія Rheinmetall прадставіла Panther на выставе ў Парыжы і назвала яе наймацнейшым баявым танкам у свеце.

Іх браня на ўзроўні ці лепш апошні мадыфікацыі Leopard-2. Panther таксама абсталяваны новай магутнай 130-мм гарматай, якая зараджаецца аўтаматычна. Гэта значыць з экіпажа танкаў выключаны зараджальнік. У танках таксама ўстаноўлена прасунутая сістэма кіравання агнём, комплекс актыўнай абароны і дрона

У студзені адразу некалькі краін абвясцілі аб пастаўках Украіне сучасных танкаў. Прэзідэнт ЗША Джо Байдэн пагадзіўся адправіць Кіеву 31 танк Abrams найноўшай мадыфікацыі, а канцлер Нямеччыны Олаф Шольц абвясціў аб пастаўках 14 танкаў Leopard-2. Нямеччына таксама дала згоду на рээкспарт танкаў іншымі краінамі ЕЗ. Аб сваёй гатоўнасці адправіць іх Кіеву заявілі Польшча, Фінляндыя, Нідэрланды, Партугалія, Канада, Нарвэгія, Гішпанія і іншыя краіны.

Акрамя таго, Вялікабрытанія пагадзілася адправіць Кіеву 14 танкаў Challenger 2. Са слоў прэм'ер-міністра краіны Рышы Сунака, танкі створаць ва Украіну ўжо ў сакавіку.

Усяго Украіна чакае атрымаць ад саюзнікаў 120-140 сучасных танкаў у рамках першай хвалі паставак, казаў кіраўнік МЗС Украіны Дзмітрый Кулеба.

Аднак пастаўка танкаў Leopard можа зацягнуцца, пісаў Bloomberg. Са звестак агенцтва, пакуль канкрэтную прапанову па іх зрабілі толькі Нямеччына і Партугалія. А пастаўка танкаў Abrams са ЗША зойме яшчэ больш часу. Іх могуць паставіць да канца 2023 года, пісала газета The Washington Post.