Адразу чатыры выходныя: як будуць працаваць у красавіку беларусы
1- 20.03.2023, 12:32
- 8,094
Графік пераносаў.
У наступным месяцы нас чакаюць доўгія выходныя - з 22 да 25 красавіка, то бок з суботы да аўторка, піша Myfin.by.
Так, беларусы будуць працаваць у наступным месяцы 19 дзён пры пяцідзённым працоўным тыдні, а адпачываць 11 дзён (будзе 10 выходных і 1 святочны дзень). Пры гэтым разліковая норма працоўнага часу пры 40-гадзінным працоўным тыдні складзе ў красавіку 151 гадзіну, а пры 35-гадзінным - 132. Гэта прапісана ў вытворчым календары на 2023 год.
Тыя ж, у каго «шасцідзёнка», на працы ў наступным месяцы правядуць 24 дні, а адпачываць будуць шэсць дзён. Разліковая норма працоўнага часу пры 40-гадзінным працоўным тыдні складзе ў красавіку 157 гадзін, а пры 35-гадзінным - 138.
Наступныя доўгія выходныя чакаюцца ў траўні
У 2023 годзе беларусаў яшчэ чакае шэраг святочных дзён.
У 2023 годзе непрацоўнымі і святочнымі днямі яшчэ будуць:
25 красавіка – Радаўніца, паводле праваслаўнага календара (выходныя з 22 да 25 красавіка – з суботы да аўторка);
1 траўня - Дзень працы (панядзелак);
9 мая - Дзень Перамогі (выходныя з 6 да 9 траўня, з суботы да аўторка);
3 ліпеня - Дзень Незалежнасці Беларусі (Дзень Рэспублікі) (панядзелак);
7 лістапада - Дзень Кастрычніцкай рэвалюцыі (выходныя з 4 да 7 лістапада, з суботы да аўторка);
25 снежня - Каляды, паводле каталіцкага абраду - нядзеля.
Графік пераносу працоўных дзён у 2023 (пастанова Савета Міністраў нумар 739 ад 1 лістапада 2022 года):
з 24 красавіка (панядзелак) працоўны дзень пераносіцца на суботу, 29 красавіка;
з 8 траўня (панядзелак) - пераносіцца на суботу, 13 траўня;
з 6 лістапада (панядзелак) - пераносіцца на суботу, 11 лістапада.
З улікам спецыфікі работы арганізацыям (кампаніям) дадзенае права рабіць перанос рабочых дзён у іншым парадку з захаваннем заканадаўства Беларусі.