Украінскі баец знішчыў два дроны расейцаў за пяць хвілін

Яму спатрэбіўся толькі аўтамат.

Баец Луганскай тэрабароны збіў два расейскія дроны за 5 хвілін. Для таго, каб знішчыць два варожыя выведвальныя БПЛА, яму спатрэбіўся толькі аўтамат.

Пра гэта паведамляе Луганская АВА ў Telegram.

21-гадовы баец Луганскай асобнай брыгады тэрытарыяльнай абароны з пазыўным «Бусінка» распавёў, як ён за 5 хвілін збіў з аўтамата два варожыя выведвальныя дроны.

«Калі яны лётаюць нізка, іх збіць проста. Галоўнае, ведаць, як прыстрэленая ваша зброя», - упэўнены абаронца.