У Менску пенсіянер з балкона страляў са стрэльбы па мінаках

Куля патрапіла ў руку які праходзіць міма мужчыны.

У Менску пенсіянер з балкона страляў з пнэўматычнай стрэльбы і патрапіў у мінака. Пенсіянер, паводле ягоных слоў, наважыў прыстраляць сваю пнэўматычную стрэльбу, якую ён купіў пяць гадоў таму. Куля патрапіла ў руку мужчыны, які праходзіў міма. Распачатая крымінальная справа, паведамляе прэсавая служба МУС.

У міліцыю паступіла паведамленне ад брыгады хуткай медыцынскай дапамогі аб дастаўцы ў шпіталь мужчыны з папярэднім дыягназам "агнястрэльная рана левай рукі".

Як высветлілася, сталічны пенсіянер яшчэ ў 2018 годзе купіў пнэўматычную стрэльбу. З нейкай прычыне прыстраляць яе ён наважыў толькі цяпер, што і зрабіў з балкона сваёй кватэры.

Куля патрапіла ў руку мужчыны, які праходзіць міма. Хуткую дапамогу пацярпеламу выклікалі работнікі шынамантажу, што месціцца непадалёк.

64-гадовага пенсіянера затрымалі. Распачатая крымінальная справа за хуліганства. У міліцыі адзначылі, што даўней ён прыцягваўся да крымінальнай адказнасці за незаконную здабычу рыбы.