Гумянюк: Выбухі ў Джанкоі – першы этап вялікага плана УСУ

Расея не проста страціла эшалон з ракетамі «Калібр».

Выбухі ў Джанкоі на поўначы часова акупаванага Крыма прывялі да пашкоджання вузлавой станцыі. Цяпер акупанты не могуць яе выкарыстоўваць

У эфіры «Радыё Свабода» кіраўніца Аб'яднанага каардынацыйнага прэс-цэнтра Сіл абароны поўдня Наталля Гумянюк заявіла, што гэтая атака з'яўляецца «адным з элементаў плана, які папярэднічае актыўным дзеянням».

«Пакуль выкарыстанне немагчымае, і тая мітусня, якая вакол гэтага месца трапляння адбываецца, кажа пра тое, што няма яшчэ нават адэкватнай пастановы, што з гэтым «шчасцем» ім рабіць. Але мы разумеем, што яны будуць імкнуцца як мага хутчэй аднавіць тое, што пашкоджана, таму што непасрэдна чыгуначныя злучэнні - гэта спосаб дастаўкі цяжкага ўзбраення і асабовага складу. Намаганні трэба ім прыкладаць. Але мы працягваем працу агнявога кантролюдля таго, каб гэтыя намаганні былі бескарыснымі», - адзначыла Гумянюк.