Заўтра ў Беларусі чакаецца снегапад

Абвешчаны аранжавы ўзровень небяспекі.

Аранжавы ўзровень небяспекі праз снегапад абвешчаны ў Беларусі на 28 сакавіка, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У аўторак будзе воблачна, чакаюцца ападкі (снег, мокры снег, дождж), у многіх раёнах - моцныя ападкі. Месцамі мяцеліца, слабы галалёд, на асобных участках дарог галалёдзіца. Вецер паўночны з пераходам на паўночна-заходні 5-10 м/с, парывы да 14 м/с, у многіх раёнах парывы ўзмоцняцца да 15-20 м/с. У сувязі з гэтым Белгідрамет абвясціў аранжавы ўзровень небяспекі.

Тэмпература паветра ўначы будзе вагацца ад мінус 2 градусаў па захадзе да плюс 9 градусаў у паўднёва-ўсходніх раёнах. Удзень прагназуецца мінус 2 - плюс 4 градусы, а ва ўсходніх раёнах - 5-11 градусаў цяпла.