Піянткоўскі назваў трыгер для бунту эліт супраць Пуціна

Гэтая падзея стане для расейцаў апошняй кропляй.

Розныя сацыялагічныя апытанні ў Расеі заяўляюць пра нібы вялікую падтрымку Уладзіміра Пуціна грамадзянамі краіны-агрэсара. Зрэшты, рэальная сітуацыя крыху адрозніваецца.

Гэта можна праверыць праз паведамленні розных катэгорый расейцаў у сацсетках ці ж з заяў расейскай эліты. Пра гэта «24 каналу» распавёў расейскі публіцыст і апазіцыйны палітык з ЗША Андрэй Піянткоўскі.

Так, грамадзяне краіны-агрэсара ўжо на грані. Такая глабальная параза як вызваленне часова акупаванага паўвострава Крым можа стаць для расейцаў апошняй кропляй.

«Такая параза стане трыгерам для сур'ёзных палітычных перамен у Расеі», - сказаў расейскі апазіцыйны палітык.

Раней кіраўнік ГУР Мінабароны Украіны Кірыл Буданаў казаў, што поўнае вызваленне акупаваных расейскімі захопнікамі тэрыторый будзе дасягацца не толькі вайсковым шляхам, але і камбінацыяй вайсковых і палітычных дзеянняў. На думку Піянткоўскага, менавіта такі сцэнар меў на ўвазе кіраўнік украінскай разведкі.

Так, аперацыя на Поўдні Украіны стане трыгерам палітычных перамен унутры краіны-агрэсара. А ўжо новае расейскае кіраўніцтва будзе весці перамовы па сыходу ўсяго свайго войска з усіх украінскіх тэрыторый.

Піянткоўскі заявіў, што вызваленне Крыма справакуе змены ў Расеі.

Як паведамляў сайт Charter97.org, расейцы ўжо рыхтуюцца да абароны ў часова акупаваным Крыме. Захопнікі масава будуюць на паўвостраве фартыфікацыйныя збудаванні. Акопы ўжо відаць за Чангарам, каля расейскага пункта пропуску «Армянск», у раёне Перакопскага вала.