Даляр у Беларусі даражэе рэкорднымі тэмпамі

Дэвальвацыя нацыянальнай валюты выйшла не на другое месца сярод краін былога СССР.

Беларусь заняла другое месца на тэрыторыі былога СССР па росце курсу даляра ў сакавіку, трэцяе - з пачатку года. Пра гэта сведчыць праведзены праектам «Позiрк» параўнальны аналіз каціровак цэнтрабанкаў за першыя тры месяцы гэтага года.

За першы квартал кошт даляра ў Беларусі вырас на 4,41% (з 2,7364 да 2,8571 рубля). Наперадзе Расея - 9,59% (з 70,3375 да 77,0863 рубля) і Таджыкістан - 6,97% (з 10,2024 да 10,9136 самані).

Менш, чым у Беларусі, даляр падаражэў у Кыргызстане і Узбекістане, не змяніўся ў Азербайджане, Туркменістане і ва Украіне.

Патаннела амерыканская валюта ў Арменіі, Латвіі, Літве, Эстоніі, Казахстане, Малдове і Грузіі.