З акна Ваўкавыскага РАУС выкінуўся хлопец у кайданках

Выратаваць яго не ўдалося.

З чацвёртага паверха Ваўкавыскага РАУС выскачыў хлопец у кайданках. Выратаваць яго не ўдалося.

Паводле інфармацыі праваабаронцаў, магчыма, гаворка ідзе пра 24-гадовага Максіма Л. (яго поўнае імя і іншая інфармацыя ёсць у распараджэнні праваабаронцаў). Днямі хлопец адзначыў свой дзень нараджэння.

У праваабаронцаў няма дакладнай інфармацыі, чаму затрымалі хлопца, але ім вядома, што сілавікі затрымлівалі яго ў Ваўкавыску 9 жніўня 2020 года.

Афіцыйных паведамленняў ад МУС на гэты конт пакуль не было.