Памежнікі і артылерысты УСУ знішчылі склад расейцаў на Данбасе
1- 29.05.2023, 14:45
- 3,796
Замаскаваны склад быў схаваны ў лесе.
Памежнікі і артылерысты Узброеных сіл Украіны знішчылі склад боепрыпасаў акупантаў. Гэта адбылося на Данбасе. Пра гэта паведамляе РБК-Украіна са спасылкай на Дзяржаўную памежную службу Украіны ў Telegram.
На Ліманскім кірунку аэравыведка памежнікаў дзякуючы дронам выявіла замаскаваны варожы склад. У лесе акупанты спрабавалі хаваць свае боепрыпасы.
Памежнікі перадалі каардынаты склада артылерыстам Узброеных сіл Украіны. Дзякуючы паспяховай і скаардынаванай рабоце абаронцаў склад з набоямі быў знішчаны.
«Такім чынам, складу няма - і пытанняў няма. Хаця... мяркуючы з зафіксаванай дэтанацыі, пытанне ўсё ж было: «Дзе боепрыпасы?», - пасмяяліся з акупантаў памежнікі.
Генштаб УСУ паведамляе, што акупанты за апошнія дні не праводзілі на Ліманскім кірунку актыўных нападаў. Аднак расейцы ўвесь час абстрэльваюць пазіцыі УСУ і населеныя пункты.
Камандзір Наземнымі войскамі генерал-палкоўнік Аляксандр Сырскі нядаўна наведаў абаронцаў на Ліманскім кірунку. Ён абмеркаваў сітуацыю на фронце і паставіў задачы перад наступам.