Вайна прыйшла на Рублёўку

Адзін з дронаў упаў усяго за 3 кіламетры ад рэзідэнцыі Пуціна ў Нова-Агарове.

Вайна прыйшла на Рублёўку. У эпіцэнтры атакі дронаў апынуліся маёнткі пуцінскай эліты. Федэральная ТВ пра атаку амаль не паведамляе.

У эфіры федэральных тэлеканалаў практычна нічога не паведамляюць пра самы маштабны з пачатку вайны напад беспілотнікаў на сталіцу РФ і найбліжэйшыя раёны. «Расія-24» робіць упор на тым, што будынкі нязначна пашкоджаныя, а ўсе беспілотнікі «знішчаныя». Тэлеканалы не перапынілі свае эфіры на спецыяльныя выпускі навін, у эфіры «Расіі-24» няма спецыяльнага радка з надпісам «тэрмінова» — як звычайна адбываецца падчас надзвычайных падзей.

Магчыма, гэта была псіхалагічная атака, прычым на месцы, населеныя пуцінскай элітай. У Маскве - гэта прэстыжныя паўднёва-заходнія мікрараёны. У Падмаскоўі - Рублеўская шаша і яго наваколлі, дзе жывуць набліжаныя Пуціна: алігархі і чыноўнікі.

Адзін з дронаў упаў у пасёлку Іллінскае — усяго за 3 кіламетры ад рэзідэнцыі прэзідэнта Пуціна ў Нова-Агарове.

У пасёлку Знаменскі - маёнтак у пуцінскага сябра Генадзя Цімчанкі. Па суседстве - рэзідэнцыя прэм'ер-міністра Міхаіла Мішусціна «Горкі-9» і дом былога зяця прэзідэнта Кірыла Шамалава. Побач жывуць бацька губернатара Маскоўскай вобласці, сэнатар Юрый Вараб'ёў і міністр абароны Сяргей Шайгу.

Побач з вёскай Жукаўка ў КП «Іллінскае поле» стаяць адзін насупраць аднаго палацы найбліжэйшых сяброў Пуціна братоў Аркадзя і Барыса Ратэнбэргаў. А па суседстве дом палюбоўніцы Шайгу Алены Шабуновай. У пасёлку «Ландшафт» дом у Сяргея Кірыенкі. У Барвісе дом у Ігара Сечына. Былым лецішчам Мікаяна валодае кіраўнік Расгвардыі Віктар Золатаў.

У Архангельскім дом у кіраўніка Канстытуцыйнага суда Валерыя Зоркіна, які днямі прынёс Пуціну карту Еўропы з адсутнай там Украінай (потым высветлілася, прысутнай).

У гэтых жа месцах жывуць і «прынцы»: дзеці Ігара Сечына Інга і Іван (у Барвісе), зяць Золатава Юрый Чачыхін і сын Золатава Раман (у Рачным).

Дрон накіроўваўся ў пасёлак Уласіха - там цэнтральны камандны пункт Ракетных войскаў стратэгічнага прызначэння.

Тэлеграм-канал «Можем объяснить»