Названы просты спосаб панізіць халестэрын

Усяго за адну ноч.

Навукоўцы з Універсітэта Іагана Гутенберга ў Нямеччыне ўсталявалі, што зачыненае на ноч акно спрыяе паніжэнню стрэсу, што прадухіляе падвышэнне «дрэннага» халестэрыну ў крыві. Вынікі эксперыментаў даследнікаў былі апублікаваны ў часопісе Noise & Health.

Зачыненае акно змяншае ўзровень шуму ў пакоі, дзе чалавек спіць. Падчас сну мозг значна больш успрымальны да шуму, чым падчас няспання, праз што яны выклікаюць стрэс уначы. Стрэс жа прыводзіць да выпрацоўкі гармонаў, у тым ліку кортызолу, які ў доўгатэрміновай перспектыве можа прывесці да павышэння ўзроўню халестэрыну і высокага крывянага ціску.

Са слоў навукоўцаў, стрэс ад шуму можна растлумачыць спадчынай ад далёкіх продкаў, якія ўспрымалі шум, асабліва ўначы, як сігнал небяспекі. Аўтары раяць спаць з зачыненымі вокнамі нават улетку, асабліва гарадскім жыхарам, якія жывуць побач з ажыўленымі трасамі.