Мэдыі: У выніку атакі дрона ў Белгародскай вобласці памёр падпалкоўнік паліцыі

У РФ становіцца ўсё гарачэй.

Падпалкоўнік паліцыі памёр у выніку атакі дрона ў Белгародскай вобласці РФ. Паводле звестак «Базы» намеснік начальніка аднаго з аддзелаў рэгіянальнага УЭБіПК Аляксей Ч. памёр пасля таго, як дрон скінуў баявы прыпас на ягоную дзялянку ў Шчацінаўцы. У гэты момант Аляксей нібыта меў непрацоўны дзень і касіў газон.

Раней кіраўнік Белгарадскай вобласці Вячаслаў Гладкоў паведаміў, што ў выніку скідвання выбуховага прыстасавання ў Шчацінаўцы загінуў адзін чалавек.