ДМК фіксуе вяртанне велікагрузаў на мяжы Беларусі і Расеі

Зварот ажыццяўляецца памежнай службай ФСБ РФ.

Беларускія мытнікі фіксуюць выпадкі вяртання велікагрузных аўтамабіляў на мяжы Беларусі і Расеі. Пра гэта паведамілі ў Дзяржаўным мытным камітэце (ДМК).

«Беларуская мытня фіксуе на беларуска-расейскім адрэзку мяжы выпадкі вяртання транспартных сродкаў міжнароднай перавозкі пад кіраваннем кіроўцаў – грамадзянаў трэціх краінаў (акрамя грамадзянаў Беларусі і Расеі)», – гаворыцца ў паведамленні мытні.

Зварот ажыццяўляецца памежнай службай ФСБ Расеі з прычыны адсутнасці падставаў для пропуску на расейскую тэрыторыю.

У ДМК таксама звярнулі ўвагу, што заканадаўствам ЕАЭС дапускаецца ажыццяўляць аперацыі, звязаныя з прадаўжэннем тэрміну мытнага транзіту тавараў, змяненнем месца іх дастаўкі, атрыманнем дазволу мытнага органа на правядзенне грузавых аперацый і (або) перачэпкі.

«Беларуская мытня гатовая прапанаваць перавознікам неабходнае спрыянне», – дадалі ў камітэце.