Бабруйчанін бегаў за хлопцам па краме з нажом і кабелем

Відэа.

У Бабруйску затрымалі 50-гадовага мясцовага жыхара, які гнаўся за хлопцам па супермаркеце з нажом і кабелем. Пра гэта паведамляецца на сайце Дэпартамента аховы МУС Беларусі.

Высветлілася, што канфлікт пачаўся ў аўтобусе, у якім 22-гадовы малады чалавек зрабіў заўвагу мужчыну нападпітку, які надумаў павучыць жыццю юную школьніцу.

У адказ ад нецвярозага пасажыра хлопец пачуў пагрозы і абразы на свой адрас. Ён выйшаў на прыпынку, але нецвярозы пасажыр пайшоў за ім. Малады чалавек надумаў зайсці ў краму – праз некалькі хвілінаў скандаліст з аўтобуса ўжо бегаў за ім па гіпермаркеце з нажом і тэлевізійным кабелем. Прадаўцы, ацаніўшы сітуацыю, націснулі трывожную кнопку, але мужчына ўцёк.

Асобу мужчыны хутка вызначылі, яго затрымалі дома.

Раней ён не змушаўся да адміністрацыйнай ці крымінальнай адказнасці. Цяпер на яго завялі крымінальную справу за асабліва злоснае хуліганства.