Украінскія нацгвардзейцы дакладным скідам з дрона знішчылі танк

Відэа.

Байцы Нацыянальнай гвардыі пастанавілі праверыць, ці далёка расейскія танкі могуць заехаць без экіпажу. Пасля чаго знішчылі акупантаў разам з іх тэхнікай.

Пра гэта паведамляе Charter97.org са спасылкай на міністра ўнутраных справаў Украіны Ігара Кліменку.

Кліменка паведаміў, што, праводзячы аэравыведку, нацгвардзейцы знайшлі два танкі акупантаў. Першы быў падбіты яшчэ напярэдадні, а другі прыбыў эвакуяваць «варожае жалеза».

«Майстэрства гвардзейцаў дазволіла на хаду патрапіць у месца, дзе размяшчаўся механік-кіроўца кіроўнага танка», – паведаміў міністр.

Паводле словаў Кліменкі, пасля таго, як абодва танкі сталі некіравальнымі, яны яшчэ праехалі некалькі метраў, пасля чаго такі зваліліся ў раку.

«Там іх канчаткова і знішчылі нацгвардзейцы. Як гэта было – глядзіце на кадрах з перадавой на ўсходнім кірунку», – дадаў ён.