24 красавiка 2024, Серада, 2:10
Падтрымайце
сайт
Сім сім,
Хартыя 97!
Рубрыкі

У Расеі за дапамогу УСУ затрымалі дзяўчыну экс-чэмпіёнку свету ў боксе

8
У Расеі за дапамогу УСУ затрымалі дзяўчыну экс-чэмпіёнку свету ў боксе

Ксенія Карэліна мае грамадзянства РФ і ЗША.

Былы ўладальнік тытула IBO у паўсярэдняй вазе Крыс ван Хердэн паведаміў, што яго любімая Ксенія Карэліна затрыманая ў Расеі.

Як піша korrespondent.net, Ксенію арыштавалі, калі пара спрабавала прыехаць у Расейскую Федэрацыю, каб наведаць родных.

«Заклікаю ў малітве. У Расеі затрыманая мая дзяўчына. Змагаемся за цябе, Ксенія, і любім», - напісаў Хердэн.

Як паведамляюць расейскія прапагандысцкія СМІ, крымінальная справа ў дачыненні да Ксеніі Карэлінай звязаная з тым, што дзяўчына падтрымала барацьбу ўкраінскага народа супраць расейскіх тэрарыстаў. 24 лютага 2022 года яна перавяла 51,8 даляра ў адзін з фондаў для дапамогі Украіне і УСУ. За гэта ёй пагражае ад 12 да 20 год пазбаўлення волі.

Таксама паведамляецца, што на тэрыторыі ЗША Ксенія Карэліна неаднаразова ўдзельнічала ў акцыях у падтрымку Украіны.

Адзначым, што Карэліна мае грамадзянства РФ і ЗША і пражывае ў Лос-Анджэлесе.

Хердэн - 36-гадовы паўднёваафрыканскі баксёр, які выступае на прафесійным узроўні з 2006 года. Былы чэмпіён IBO ў паўсярэдняй вазе.

Напісаць каментар 8

Таксама сачыце за акаўнтамі Charter97.org у сацыяльных сетках