Работнік Мазырскага НПЗ учыніў суіцыд
8- 2.03.2024, 17:49
- 12,434
Прычына – крымінальная справа.
У Мазыры наклаў на сябе рукі работнік транспартнага цэха нафтаперапрацоўчага завода. Прычынай стала крымінальная справа за нібы крадзеж дызельнага паліва. Пра гэта паведамляе выданне «Флагшток».
Інцыдэнт здарыўся ў другой палове лютага 2024 года. Пра гэта «Флагштоку» паведамілі дзве не звязаныя паміж сабой крыніцы.
Паводле інфармацыі выдання, падставай для самагубства паслужыла праверка АБЭЗ, якая выявіла крадзяжы паліва ў цэху №14 (транспартным). Пад следствам знаходзіцца больш за дзясятак супрацоўнікаў. Адзін з кіроўцаў, магчыма, не вытрымаў ціску і перарэзаў сабе вены. Ад атрыманых пашкоджанняў мужчына памёр у сябе дома.
На гэты момант СМІ не валодаюць падрабязнай інфармацыяй аб асобе памерлага.