Расейскі хакеіст загінуў падчас стральбы ў «Крокус Сіці Хол»

У выніку тэракту загінула больш за 140 чалавек.

У пятніцу, 22 сакавіка, у канцэртнай зале «Крокус Сіці Хол» у падмаскоўным Краснагорску адбылася стральба.

На гэты момант вядома, што загінула больш за 140 чалавек. Адным з іх стаў хакеіст аматарскай каманды з Яраслаўля Аляксей Рудніцкі.

«Загінуў гулец, які гуляў у нашай лізе», – гаворыцца ў заяве.

48-гадовы мужчына выступаў на пазіцыі нападніка.

Адзначаецца, што Рудніцкі не выступаў у гэтым сезоне – ён гуляў у мінулым розыгрышы.