Выяўленыя ўнікальныя скарбы Імперыі Хань

Навукоўцы былі здзіўленыя багаццем кітайскай сям'і.

Кітайскія археолагі знайшлі за 580 км ад Кітая ў правінцыі Шаньдун адразу тры магільні, якім прыкладна 1800 гадоў. Дзве з гэтых магільняў былі разрабаваныя, а вось трэцяя засталася некранутай. Навукоўцы мяркуюць, што там былі пахаваныя чальцы адной багатай сям'і, піша Live Science.

Хоць дзве разрабаваныя магільні знаходзяцца ў дрэнным стане, трэцяя засталася некранутай і ўтрымлівае больш за 70 артэфактаў, у тым ліку жалезны меч і бронзавыя люстэркі, змешчаныя туды ў рамках пахавальных абрадаў.

Усе тры магільні былі пабудаваныя ў перыяд існавання ў Кітаі Імперыі Хань (206 г. да н. э. – 220 г. н. э.) і размешчаныя за 580 км ад Пекіна ў вёсцы Дачжуанцзы ў паўднёвай частцы гарадской акругі Жычжаа. Паводле словаў археолагаў, магільні былі знойдзеныя пад курганам у мясцовым парку, які ў мінулым моцна пацярпеў у выніку сельскагаспадарчай дзейнасці.

Хоць дзве разрабаваныя магільні знаходзяцца ў дрэнным стане, трэцяя засталася некранутай і ўтрымлівае больш за 70 артэфактаў, у тым ліку жалезны меч і бронзавыя люстэркі, змешчаныя туды ў рамках пахавальных абрадаў.

У кожнай з трох магільняў былі знойдзеныя парэшткі двух чалавек. Беручы да ўвагі, што археолагі ў двух пахаваннях знайшлі надпісы з прозвішчам Хуань, то выказалі здагадку, што ўвесь пахавальны комплекс належаў адной багатай сям'і.

Магільня, якая не была разрабаваная, мае даўжыню 6,7 метра, а яе цэнтральная пахавальная камера была запоўненая зялёнай глінай праз некаторы час пасля таго, як туды змясцілі дзве труны і пахавальны інвентар.

У кожнай з трох магільняў былі знойдзеныя парэшткі двух чалавек. Беручы да ўвагі, што археолагі ў двух пахаваннях знайшлі надпісы з прозвішчам Хуань, то выказалі здагадку, што ўвесь пахавальны комплекс належаў адной багатай сям'і.

Труны размешчаны такім чынам, што паміж імі знаходзіцца драўляная перагародка з дэкаратыўнымі вокнамі і дзвярамі. Навукоўцы мяркуюць, што такое падабенства жылля было створанае не проста так, бо ў магільні побач пахавалі мужа і жонку, але ў розны час.

Хоць косткі людзей усярэдзіне трунаў спарахнелі, сярод пахавальнага інвентару навукоўцы выявілі бронзавыя люстэркі, жалезны меч, гліняныя пасудзіны, і медную пячатку для дакументаў. Паводле словаў навукоўцаў, пад адной з трунаў знаходзіўся вазок для яе перамяшчэння, і гэта вельмі незвычайная знаходка.

Хоць косткі людзей усярэдзіне трунаў спарахнелі, сярод пахавальнага інвентару навукоўцы выявілі бронзавыя люстэркі, жалезны меч, гліняныя пасудзіны, і медную пячатку для дакументаў.

Усе тры магільні сталі для археолагаў важнымі адкрыццямі, але менавіта не разрабаваная грабніца дапаможа больш даведацца пра пахавальныя абрады ў гэтым рэгіёне Кітая часоў Імперыі Хань. Паводле словаў навукоўцаў, адна з трунаў была зробленая са ствала адзінага дрэва. Труны такога тыпу, якія адносіцца да эпохі Імперыі Хань, археолагі знаходзяць вельмі рэдка.