Reuters: ЗША пацвердзілі свой удзел у Саміце міру, але не гавораць, хто паедзе
4- 26.05.2024, 20:06
- 2,820
Свой удзел у саміце пацвердзілі прадстаўнікі ўжо больш як 80 краін.
У ЗША заявілі, што іх краіна будзе прадстаўленая на Саміце міру ў Швайцарыі ў наступным месяцы, аднак пакуль невядома, хто менавіта паедзе. Пра гэта агенцтву Reuters распавёў неназваны амерыканскі чыноўнік, паведамляе "Еўрапейская праўда".
Са слоў суразмоўцы агенцтва, Злучаныя Штаты прымуць удзел у саміце, аднак ён адмовіўся паведаміць, хто і на якім узроўні.
Цяпер свой удзел у саміце пацвердзілі прадстаўнікі больш як 80 краін.
Раней прэзідэнт Украіны Уладзімір Зяленскі заклікаў лідараў ЗША і Кітая асабіста ўзяць удзел у Саміце міру.